Клуб друзей и читателей Розы мира (2007-2011)

Ахтырский · Зарегистрирован: 07.09.2007 Сообщения: 6989

Егда во гробе нове за всех положился еси, Избавителю всех, ад всесмехливый, видев Тя, ужасеся, вереи сокрушишася, сломишася врата, гроби отверзошася, мертвии восташа, тогда Адам, благодарственно радуяся, вопияше Тебе: слава снизхождению Твоему, Человеколюбче.

Солнце не заходяй, Боже Превечный и Творче всех тварей Господи, како терпиши страсть на Кресте? Чистая, плачущи, глаголаше.

Божиим светом Твоим, Блаже, утренюющих Ти души любовию озари, молюся, Тя ведети, Слове Божий, Истиннаго Бога, от мрака греховнаго взывающа.

Едину Надежду и Живот, Владыко, Сыне Мой и Боже, во очию свет Раба Твоя имех, ныне же лишена бых Тебе, сладкое Мое Чадо и любимое.

Мертва Тя зрю, Человеколюбче, оживившаго мертвыя, и содержаща вся, уязвляюся люто утробою. Хотела бых с Тобою умрети, Пречистая глаголаше: не терплю бо без дыхания мертва Тя видети.
Дивлюся, зрящи Тя, Преблагий Боже и Прещедрый Господи, без славы, и без дыхания, и безобразна: и плачуся, держащи Тя, яко не надеяхся, увы Мне, видети Тя, Сыне Мой и Боже.
Не изглаголеши ли Рабе Твоей слова, Слове Божий? Не ущедриши ли, Владыко, Тебе Рождшую? Глаголаше Чистая, рыдающи и плачущи, облобызающи Тело Господа Своего.
Помышляю, Владыко, яко ктому сладкаго Твоего не услышу гласа, ни доброты Лица Твоего узрю, якоже прежде Раба Твоя: ибо зашел еси, Сыне Мой, от очию Моею.

Своего Агнца Агница зрящи к заколению влекома, последоваше Мариа простертыми власы со инеми женами, сия вопиющи: камо идеши, Чадо? Чесо ради скорое течение совершаеши? Еда другий брак паки есть в Кане, и тамо ныне тщишися, да от воды им вино сотвориши? Иду ли с Тобою, Чадо, или паче пожду Тебе? Даждь Ми слово, Слове, не молча мимо иди Мене, Чисту соблюдый Мя: Ты бо еси Сын и Бог Мой.

Избавляяй болезни, ныне приими Мя с Собою, Сыне Мой и Боже, да сниду, Владыко, во ад с Тобою и Аз: не остави Мене едину, уже бо жити не терплю, не видящи Тебе сладкаго Моего Света.

Егда снизшел еси к смерти, Животе безсмертный, тогда ад умертвил еси блистанием Божества: егда же и умершия от преисподних воскресил еси, вся силы небесныя взываху: Жизнодавче Христе Боже наш, слава Тебе.

Жизнь, како умираеши? Како и во гробе обитаеши, смерти же царство разрушаеши и от ада мертвыя возставляеши?

Иисусе, Христе мой, Царю всех, что ища к сущим во аде пришел еси? Или род свободити человеческий?

Жизнь во гробе положен был еси, Христе, и смертию Твоею смерть погубил еси, и источил еси мирови жизнь.

Со злодеи яко злодей, Христе, вменен был еси, оправдал нас всех от злодейства древняго запинателя.

Из истления возшел еси, Жизнь, Спасе мой, умерый и к мертвым пришедый, и сломивый адовы заклепы.

Якоже света светильник, ныне плоть Божия под землю яко под спуд крыется и отгоняет сущую во аде тьму.

Жизни камень во чрево прием, ад всеядец изверже мертвыя, яже от века поглоти.

Во гробе нове положился еси, Христе, и естество человеческое обновил еси, воскрес боголепно из мертвых.

На землю сшел еси, да спасеши Адама: и на земли не обрет сего, Владыко, даже до ада снизшел еси ища.

Невещественнии чини, простерта мертва Тя зряще нас ради, ужасахуся, покрывающеся крилы, Спасе.

Ангелом радость быв, Спасе, ныне и печали сим был еси виновен, видимь плотию бездыханен мертв.

Аще и мертв виден был еси, но живый яко Бог, возводиши от земли к небесным оттуду низпадшия, Иисусе.

Аще и мертв виден был еси, но, живый яко Бог, умерщвленныя человеки оживил еси, моего умертвив умертвителя.

О радости оныя! О многия сладости! Еяже сущих во аде наполнил еси, во глубинах мрачных Свет возсияв.

Токи жизни проливающая Божия Премудрость, во гроб зашедши, оживотворяет сущия в неприступных адовых местех.

Убояся Адам Бога ходяща в раи, радуется же во ад сошедшу, падый прежде, и ныне воздвизаемь.

Доброты прежде не имел еси, Слове, ниже вида, егда страдал еси: но воскрес превозсиял еси, украсив человеки Божественными зарями.

Востани, Щедре, от пропастей адских возставляяй нас.

Да Твоея славы вся исполниши, сшел еси в нижняя земли, от Тебе бо не скрыся состав мой иже во Адаме, и погребен, истлевша мя обновляеши Человеколюбче.

На кресте Твое Божественное истощание провидя Аввакум, ужасся вопияше: Ты сильных пресекл еси державу Блаже, приобщаяся сущым во аде, яко Всесилен.

Царствует ад, но не вечнует над родом человеческим, Ты бо положся во гробе Державне, живоначальною дланию, смерти ключи развергл еси, и проповедал еси от века тамо спящым, избавление неложное быв, мертвым Первенец.

Содержай концы, гробом содержатися изволил еси, Христе, да от адова поглощения избавиши человечество и, воскрес, оживиши нас, яко Бог Безсмертный.

Приидите, ублажим Иосифа приснопамятнаго, в нощи к Пилату пришедшаго и Живота всех испросившаго. Даждь ми Сего страннаго, Иже не имеет где главы подклонити: даждь ми Сего страннаго, Егоже ученик лукавый на смерть предаде: даждь ми Сего страннаго, Егоже Мати, зрящи на Кресте висяща, рыдающи вопияше и матерски восклицаше: увы Мне, Чадо Мое! Увы Мне, Свете Мой и утробе Моя возлюбленная! Симеоном бо предреченное в церкви днесь собысться: Мое сердце оружие пройде, но в радость Воскресения Твоего плач преложи. Покланяемся Страстем Твоим, Христе: покланяемся Страстем Твоим, Христе: покланяемся Страстем Твоим, Христе, и Святому Воскресению.[/b]

Добавлено спустя 16 минут 20 секунд:

http://www.lestovka.ru/triod.htm

Добавлено спустя 9 минут 36 секунд:

Днесь ад, стеня, вопиет: уне мне бяше, аще бых от Марии Рожденнаго не приял: нашед бо на мя, державу мою разруши, врата медная сокруши: души, яже содержах прежде, Бог сый воскреси. Слава, Господи, Кресту Твоему и Воскресению Твоему.

Днесь ад, стеня, вопиет: разрушися моя власть: приях Мертваго яко единаго от умерших, держати же Сего отнюдь не могу, но погубляю с Ним вся, над нимиже царствовах: аз имех мертвецы от века, но Сей [се] всех воздвизает. Слава, Господи, Кресту Твоему и Воскресению Твоему.

Днесь ад, стеня, вопиет: поглощена бысть моя держава. Пастырь распятся и Адама воскреси: над нимиже царствовах, тех лишихся, и яже поглотих возмогий, всех извергох. Истощи гробы Распныйся, изнемогает смерти держава. Слава, Господи, Кресту Твоему и Воскресению Твоему.

Добавлено спустя 19 минут 58 секунд:

"Сойдет Сын Божий... и будет в образе вашем. И князь мира... прострет руки свои на Него, и повесят Его на древе, и убьют, не ведая, кто Он. И сойдет Он во ад, и нагим и опустошенным сделает всю призрачность его, и возьмет в плен князя смерти и сокрушит всю силу его и воскреснет в третий день, взяв с Собой некоторых праведников, и пошлет проповедников Своих по всей вселенной...". (из иудейского апокрифа II в. до Р.Х.)
http://bishop.hilarion.orthodoxia.org/1_3_3_6_2_2

Добавлено спустя 2 минуты 59 секунд:

«Выйди и сойди со всех небес и пребудь в мире; дойти даже до того ангела, который в аду [7]... и суди князя [смерти] и ангелов его и мир, которым они обладают» (там же).

Владимир · Добавлено: Сб Апр 18, 2009 6:59 pm